Anupambharat News Bureau
ବାଲେଶ୍ୱର,୧୪ା୧୦ (ଅନୁପମ ମିଡିଆ): ପୁଲିସର ନାଁ ଶୁଣିଲେ ସାଧାରଣତ ଲୋକଙ୍କ ମନରେ ଭୟ ସୃଷ୍ଟି ହୋଇଥାଏ । ହେଲେ ବାଲେଶ୍ୱର ଏସପି ଆହତ ଦୁଇଜଣଙ୍କୁ ଉଦ୍ଧାର କରି ନିଜ ମାନବିକତାର ପରିଚୟ ଦେଇଛନ୍ତି । ସୂଚନା ଅନୁଯାୟୀ ଖଇରା ବ୍ଲକ ତୁଡିଗଡିଆ ଅଞ୍ଚଳର କୈଳାଶ ସାହୁ ତାଙ୍କ ଝିଅର ଏଡମିସନ୍ ପାଇଁ ବାଇକରେ ଯାଉଥିଲେ ।
ସେହି ସମୟରେ ଏକ ଅଜଣା ବାଇକ ସୋର ଜାତୀୟ ରାଜପଥ ବେଗୁନିଆଠାରେ ତାଙ୍କ ଗାଡିକୁ ଧMା ଦେଇ ଚାଲିଯାଇଥିଲା । ସେହି ରାସ୍ତା ଦେଇ ଏସପି ବି. ଯୁଗଳ କିଶୋର ଔପଦା ବ୍ଲକର ଜନଶୁଣାଣୀ ଶିବିରକୁ ଯାଉଥିଲେ । ଦୁର୍ଘଟଣାରେ ଆହତ ବାପ ଝିଅଙ୍କୁ ଦେଖି ସେ ତୁରନ୍ତ ନିଜ ଗାଡିରେ ଆଣି ସୋର ମେଡିକାଲରେ ଭର୍ତ୍ତି କରାଇଥିଲେ । ଫଳରେ ଏହି ଖବର ପାଇ ଜନସାଧାରଣ ତାଙ୍କୁ ପ୍ରଶଂସା କରିଥିଲେ ।
