Anupambharat News Bureau
ବ୍ୟାସନଗର,୧୪ ।୦୫(ଅନୁପମ ମିଡ଼ିଆ): ଯାଜପୁର ସଦର ଥାନା ଅନ୍ତର୍ଗତ ମାଳଆନନ୍ଦପୁର ପଂଚାୟତର ରୁଢିଆ ଆନିକଟସ୍ଥିତ ବୁଢା ନଦୀରେ ୫ ଜଣ ଗୋଧୋଇବାକୁ ଯାଇଥିବା ବେଳେ ଦୁଇ ଜଣଙ୍କର ମୃତୁ୍ୟ ଘଟିଛି । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି କୂଳକୁ ଆଣିଥିଲେ । ହେଲେ ଦୁଇ ସାଂଗଙ୍କର ମୃତୁ୍ୟ ହୋଇଯାଇଥିଲା । ପ୍ରକକାଶଯେ ଆଜି ୩ଟା ସମୟରେ ଯାଜପୁର ଟାଉନର ଫେମୁଲ ହୋଦା ଓ ତାଙ୍କ ପୁଅ ଅନୱାର ହୁଲ ହୋଦା(୨୦) ଓ ତାର ସାଂଗ କୁଆଖିଆ ରାଜେନ୍ଦ୍ରପୁରର ମୁଜାଜ ସନ(୨୦) ଓ ଅନ୍ୟ ତିନିଜଣ ମିଶି ଆନିକଟକୁ ଗାଧୋଇବାକୁ ଆସିଥିଲେ । ଗାଧୋଉଥିବା ବେଳେ ଅନୱାର ଗୋଡ ଖସିଯିବାରୁ ମୁଜାଜ ତାକୁ ବଂଚାଇବାକୁ ଯାଇ ନିଜେ ବୁଡିଯାଇଥିଲେ ।
ପୁଅ ବୁଡି ଯାଉଥିବା ବେଳେ ବାପର ଚିକିାର ଶୁଣି ମାଳଆନ୍ଦପୁରର ଅଟଳ ଦଳେଇ, ନଣ୍ଡା ମାଝୀ, ଦୀନବନ୍ଧୁ ଦଳେଇ, ଗଜନ ଦଳେଇ, କାଳନ୍ଦୀ ରାଉତ, ରବି ସ୍ୱାମୀ ପ୍ରମୁ୍ଖ ପାଣିରେ ବୁଡି ଖୋଜାଖୋଜି ପରେ ମୃତ ଦେହ ଉଦ୍ଧାର କରିଥିଲେ । ପରେ ଦମକଳ ବାହିନୀ ପହଂଚିବା ବେଳକୁ ଉଦ୍ଧାର କାର୍ଯ୍ୟ ସରିଯାଇଥିଲା
