Anupambharat News Bureau
କେନ୍ଦୁଝର, ୧୪ା୫ (ଅନୁପମ ମିଡିଆ): କେନ୍ଦୁଝର ଜିଲ୍ଲା ମୁଖ୍ୟ ଡାକ୍ତରଖାନାରେ ମଙ୍ଗଳବାର ସକାଳେ ଚିକିତ୍ସାଧିନ ଅବସ୍ଥାରେ ଜଣେ ଗର୍ଭବତୀ ମହିଳାଙ୍କ ମୃତୁ୍ୟ ଘଟିଥିବା ଜଣାପଡିଛି । ଚିକିସିା ଅବହେଳାରୁ ମହିଳା ଜଣଙ୍କର ମୃତୁ୍ୟ ହୋଇଥିବା ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ମିଳିଥିବା ସୂଚନା ଅନୂସାରେ, ସଦର ବ୍ଲକ ବଡପଶି ଗ୍ରାମର ରନ ନାୟକଙ୍କ ପତ୍ନୀ ସାବିତ୍ରୀ ନାୟକ(୨୭) ଙ୍କ ଗତ ଶୁକ୍ରବାର ଦିନ ଗର୍ଭବେଦନା ହେବାରୁ କେନ୍ଦୁଝର ମୁଖ୍ୟ ଚିକିସିାଳୟରେ ତାଙ୍କୁ ଭର୍ତ୍ତି କରାଯାଇଥିଲା । ଶନିବାର ଦିନ ଅପରେସନ କରାଯାଇ ଏକ ପୁତ୍ର ସନ୍ତାନ ଜନ୍ମ ହୋଇଥିଲା । ପୁଅ ହୋଇଥିବାରୁ ପରିବାର ଲୋକେ ବେଶ୍ ଖୁସିଥିଲେ । ତେବେ ସୋମବାର ସକାଳେ ସମ୍ପୃକ୍ତ ଗର୍ଭବତୀ ମହିଳାଙ୍କ ହଠାତ୍ କାଶ ହେବାରୁ ଡାକ୍ତରଖାନା କର୍ମଚାରୀଙ୍କୁ ଏବାବଦରେ କହିଥିଲେ । ମାତ୍ର ଏହାକୁ ଡୁ୍ୟଟିରେ ଥିବା କର୍ମଚାରୀ ହାଲୁକା ଭାବରେ ନେଇଥିଲେ । ପରିବାର ଲୋକେ ଡୁ୍ୟଟିରେ ଥିବା କର୍ମଚାରୀଙ୍କୁ ବାରମ୍ବାର ଡାକିଲା ପରେ ଡାକ୍ତର ଔଷଧ ଲେଖିଥିଲେ । ଔଷଧ ଦେବା ପରେ ମଧ୍ୟ ଭଲ ନହେବାରୁ ପୁଣି ରାତିରେ ମହିଳାଙ୍କ ସଂପର୍କୀୟ ଡୁ୍ୟଟିରେ ଥିବା କର୍ମଚାରୀ ଓ ଡାକ୍ତରଙ୍କୁ ଜଣାଇଥିଲେ ହେଁ ତୁରନ୍ତ କେହି ଆସି ନଥିଲେ । ରାତିରେ ଅବସ୍ଥା ଅଧିକ ଗୁରୁତର ହେବାରୁ ପାଖାପାଖି ରାତି ୨ଟା ୩୦ମିନିଟ୍ ରେ ଜଣେ କର୍ମଚାରୀ ଆସି ଇକେଶନ ଦେଇ କହିଲେ ଠିକ୍ ହୋଇଯିବ । ସକାଳେ ଡାକ୍ତର ଆସିଲେ ଦେଖିବେ ବୋଲି କହି ସେ ଚାଲିଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି । ତା’ ପରେ ପରେ ମହିଳାଙ୍କ କାଶ ଅଧିକ ଅଧିକ ବଢିଲା ଓ ଅବସ୍ଥା ଅଧିକ ଖରାପ ହୋଇଥିଲା । ଯାହାକୁ ଡାକିଲେ ମଧ୍ୟ କେହି ଶୁଣିନଥିଲେ । ମଙ୍ଗଳବାର ସକାଳେ ତାଙ୍କର ମୃତୁ୍ୟ ହୋଇଥିଲା ବୋଲି ମୃତ ସାବିତ୍ରୀଙ୍କ ସ୍ୱାମୀ ରନ ନାୟକ ଅଭିଯୋଗ କରିଛନ୍ତି । ଏନେଇ ଉଚ୍ଚସ୍ତରୀୟ ତଦନ୍ତ କରି ଦାୟୀତ୍ୱରେ ଅବହେଳା କରିଥିବା ଡାକ୍ତର ଓ କର୍ମଚାରୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମୃତ ମହିଳାଙ୍କ ପରିବାର ଲୋକେ ଦାବି କରିଛନ୍ତି ।
