Anupambharat News Bureau
ଭୁବନେଶ୍ୱର, ୨୯ା୧୦ (ଅନୁପମ ମିଡିଆ) : ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ପାଇଁ ଅନୁଷ୍ଠିତ ହେବାକୁ ଥିବା ଏକକ ଷାଣ୍ମାସିକ ପରୀକ୍ଷା କାର୍ଯ୍ୟସୂଚୀରେ କିଛିଟା ପରିବର୍ତ୍ତନ କରାଯାଇଛି ।
ପୂର୍ବରୁ ଅକେଫାବର ୨୯ରୁ ନଭେମ୍ବର ୨ ପର୍ଯ୍ୟନ୍ତ ହେବାକୁ ଥିବା ଏହି ପରୀକ୍ଷା ଏବେ ନଭେମ୍ବର ୧ରୁ ଆରମ୍ଭ ହେବ । ଲଗାଣ ବର୍ଷା ଯୋଗୁଁ ବହୁ ବିଦ୍ୟାଳୟରେ ଏପର୍ଯ୍ୟନ୍ତ ପ୍ରଶ୍ନପତ୍ର ପହଞ୍ଚିପାରି ନପାରି ଜିଲ୍ଲାସ୍ତରରେ ଅଟକି ରହିଛି । ତେଣୁ ପରୀକ୍ଷା ସୂଚୀରେ ପରିବର୍ତ୍ତନ କରାଯାଇଛି । ତେବେ ପୂର୍ବ ନିଷ୍ପତ୍ତି ଅନୁଯାୟୀ ନଭେମ୍ବର ୧ ଓ ୨ ରେ ହେବାକୁ ଥିବା ପରୀକ୍ଷା ସୂଚୀରେ କୌଣସି ପରିବର୍ତ୍ତନ କରାଯାଇ ନ ଥିବା ଓଡ଼ିଶା ସ୍କୁଲ ଏଜୁକେସନ ପୋଗ୍ରାମ ଆଥଲିଟି (ଓସେପ) ପକ୍ଷରୁ ମଙ୍ଗଳବାର ସୂଚନା ଦିଆଯାଇଛି ।
ପ୍ରକାଶିତ ବିଜ୍ଞପ୍ତିରେ କୁହାଯାଇଛି ଯେ ପ୍ରତିଦିନ ପରୀକ୍ଷା ଦୁଇଟି ସିଟିଂରେ ଅନୁଷ୍ଠିତ ହେବ । ପ୍ରଥମ ରୁ ୭ମ ଶ୍ରେଣୀ ପର୍ଯ୍ୟନ୍ତ ସମସ୍ତ ବିଷୟର ପରୀକ୍ଷାର ସମୟ ସୀମା ୧ ଘଣ୍ଟା ୩୦ମିନିଟ୍ ରଖାଯାଇଛି । ଶନିବାର ପ୍ରଥମରୁ ୭ମ ଶ୍ରେଣୀ ସକାଳ ୭ଟାରୁ ୮.୩୦ ଓ ସକାଳ ୯ଟାରୁ ୧୦ଟା ୩୦ ପର୍ଯ୍ୟନ୍ତ ପରୀକ୍ଷା ହେବ । ୮ମ ଶ୍ରେଣୀର ସମସ୍ତ ବିଷୟରେ ପରୀକ୍ଷା ଦୁଇ ଘଣ୍ଟା ଲେଖାଏଁ ହେବ । ପ୍ରତିଦିନ ସକାଳ ୧୦ଟା ୩୦ରୁ ୧୨ଟା ୩୦ ଓ ଅପରାହ୍ନ ୧ଟାରୁ ୩ଟା ଯାଏ ପରୀକ୍ଷା ଚାଲିବ । ଶନିବାର ସକାଳ ୭ଟାରୁ ୯ଟା ଓ ପୂର୍ବାହ୍ନ ୯ଟା ୦ରୁ ୧୧ଟା ୩୦ ଯାଏ ପରୀକ୍ଷା ଚାଲିବା ସାରା ରାଜ୍ୟରେ ଗୋଟିଏ ସମୟରେ ପରୀକ୍ଷା ହେବ ।
ନଭେମ୍ବର ୧ ତାରିଖ ସକାଳ ୧୦ଟା ୩୦ରୁ ୧୨ଟା ଯାଏ ପ୍ରଥମରୁ ୫ମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ଚିତ୍ରାଙ୍କନ , ୬ଷ୍ଠରୁ ୮ମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କର ଇତିହାସ ଓ ଭୂଗୋଳ (ଲଖିତ) ପରୀକ୍ଷା କରାଯିବା ଅପରାହ୍ନ ୧୨ଟା ୩୦ରୁ ୨ଟା ପର୍ଯ୍ୟନ୍ତ ପ୍ରଥମରୁ ପଞ୍ଚମ ଶ୍ରେଣୀ ପିଲାଙ୍କର କୌଣସି ପରୀକ୍ଷା ନ ଥିବା ବେଳେ ୬ ଷ୍ଠ ୮ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କର ଉର୍ଦ୍ଦ ପାର୍ସି ପରୀକ୍ଷା ରହିଛି । ୨ ତାରିଖରେ ପ୍ରଥମ ଓ ଦ୍ୱିତୀୟ ଶ୍ରେଣୀ ପିଲାଙ୍କ ପରୀକ୍ଷା ନାହିଁ । ୩ୟରୁ ୮ଶ୍ରେଣୀ ପର୍ଯ୍ୟନ୍ତ ପିଲାଙ୍କ ପ୍ରଥମ ସିଟିଂ ଇଂରାଜୀ (ଲିଖିତ) ପରୀକ୍ଷା ହେବା ଦ୍ୱିତୀୟ ସିଟିଂରେ ୩ୟରୁ ୫ମ ଶ୍ରେଣୀ ପର୍ଯ୍ୟନ୍ତ ଇଂରାଜୀ (ମୌଖିକ), ୬ ଷଷ୍ଠ ଓ ୭ମ ଶ୍ରେଣୀର ହିନ୍ଦୀ (ଲିଖିତ) ଓ ୮ମ ଶ୍ରେଣୀର ହିନ୍ଦୀ ସଂସ୍କୃତ ପାର୍ସି (ଲିଖିତ) ପରୀକ୍ଷା ଅନୁଷ୍ଠିତ ହେବ ।
ନଭେମ୍ବର ୪ରେ ପ୍ରଥମ ସିଟିଂରେ ସମସ୍ତ ଶ୍ରେଣୀର ମାତୃଭାଷା (ଲିଖିତ) ଓ ଦ୍ୱିତୀୟ ସିଟିଂରେ ପ୍ରଥମରୁ ୫ମ ଶ୍ରେଣୀ ପର୍ଯ୍ୟନ୍ତ ମାତୃଭାଷା (ମୌଖିକ) ପରୀକ୍ଷା ହେବ । ୫ ତାରିଖର ପ୍ରଥମ ସିଟିଂରେ ସମସ୍ତ ଶ୍ରେଣୀର ଗଣିତ (ଲିଖିତ) ଓ ଦ୍ୱିତୀୟ ସିଟିଂରେ ପ୍ରଥମରୁ ୫ମ ଯାଏ ଗଣିତରେ (ମୌଖିକ)ପରୀକ୍ଷା ଏବଂ ୬ଷ୍ଠରୁ ୮ମ ଯାଏ ଚିତ୍ରାଙ୍କନ ପରୀକ୍ଷା କରାଯିବ । ୬ ତାରିଖରେ ପ୍ରଥମ ସିଟିଂରେ ପ୍ରଥମରୁ ୪ର୍ଥ ଯାଏ ପରିବେଶ (ଲିଖିତ), ୫ମ ଶ୍ରେଣୀର ସାମାଜିକ ପାଠ ଓ ବିଜ୍ଞାନ (ଲିଖିତ) ପରୀକ୍ଷା ଅନୁଷ୍ଠିତ ହେବ ଦ୍ୱିତୀୟ ସିଟିରେ ପ୍ରଥମରୁ ୪ର୍ଥ ଶ୍ରେଣୀ ପର୍ଯ୍ୟନ୍ତ ପରିବେଶ (ମୌଖିକ), ୫ମ ଶ୍ରେଣୀ ଛାତ୍ରଛାତ୍ରୀଙ୍କ ସାମାଜିକ ପା ଓ ବିଜ୍ଞାନ (ମୌଖିକ), ୬ଷ୍ଠ ଓ ୭ମ ଶ୍ରେଣୀ ପିଲାଙ୍କ ପାଇଁ ସସ୍କୃତ (ଲିଖିତ) ପରୀକ୍ଷା ହେବ ବୋଲି ସୂଚନା ଦିଆଯାଇଛି ।
