Anupambharat News Bureau
ଭଦ୍ରକ, ୧ା୧୧ (ଅନୁପମ ମିଡ଼ିଆ):ଏକ ଠକେଇ ମାମଲାରେ ଭଦ୍ରକ ଡିଏସ୍ପି ଗୌତମ ମଲ୍ଲିକଙ୍କୁ ଦିଲ୍ଲୀ ହାଇକୋର୍ଟଙ୍କ ଏନ.ବି.ଡବ୍ଲì୍ୟ ବଳରେ ଗିରଫ କରିଛି ଭଦ୍ରକ ପୁଲିସ୍ । ଗିରଫ ପରେ ତାଙ୍କୁ ଡିଜି ନିଲମ୍ବିତ କରିଥିବାର ସୂଚନା ମିଳିଛି । ଏଠାରେ ସୂଚନାଯୋଗ୍ୟ ୨୦୧୩ ମସିହାରେ ଆନନ୍ଦପୁରର ବାସିନ୍ଦା ରଘୁନନ୍ଦନ ଦେଓଙ୍କ ଠାରୁ ଜମି କରାଇଦେବା କହି ସେ ୨୦ ଲକ୍ଷ ଟଙ୍କା ନେଇଥିଲେ । ଜମି କରାଇନପାରିବାରୁ ସେ ୧୦ ଲକ୍ଷ ଟଙ୍କା ଫେରାଇ ଦେଇଥିଲେ । ହେଲେ ବାକି ୧୦ ଲକ୍ଷ ଟଙ୍କା ଆଉ ଫେରାଇନଥିଲେ । ଏହି ଘଟଣାକୁ ନେଇ ଆନନ୍ଦପୁରରୁ ଯାଇ ଦିଲ୍ଲୀରେ ରହୁଥିବା ରଘୁନନ୍ଦନ ଗୌତମଙ୍କ ବିରୁଦ୍ଧରେ ଏକ ମାମଲା ରୁଜୁ କରିଥିଲେ । ତେବେ ଚେକ୍ ବାଉନ୍ସ କେଶ୍ରେ କୋର୍ଟର ଅବମାନନା କରିଥିବା ଦର୍ଶାଇ ଦିଲ୍ଲୀ କୋର୍ଟ ଗୌତମଙ୍କ ବିରୁଦ୍ଧରେ ଜାମିନ୍ ବିହୀନ ଗିରଫ ପରୱାନା ଜାରି କରିଥିଲେ ।
