Anupambharat News Bureau
ଅନୁଗୁଳ, ୧୭ା୧୧ (ଅନୁପମ ମିଡିଆ): ପାଲଲହଡ଼ା ଅଞ୍ଚଳର ପଟାମୁଣ୍ଡା ଗାଁ ନିକଟରୁ ଆଜି ବନ ବିଭାଗ ୧୦ କେଜି ଓଜନର ଏକ ବଜ୍ରକାପ୍ତା ଉଦ୍ଧାର କରିଛନ୍ତି । ଯାହାକି ଏହାର ଆନୁମାନିକ ମୂଲ୍ୟ ୨ଲକ୍ଷରୁ ଉର୍ଦ୍ଧ୍ୱ ହେବ ବୋଲି ବନ ବିଭାଗ ସୂତ୍ରରୁ ଜଣାପଡ଼ିଛି । ଏହି ଘଟଣାରେ ବନ ବିଭାଗ ୪ଜଣଙ୍କୁ ଗିରଫ କରିଛି । ଘଟଣାରୁ ପ୍ରକାଶ ଯେ ପାଲଲହଡ଼ା ଅଞ୍ଚଳର ପଟାମୁଣ୍ଡା ଗାଁର ଜୈନିକ ଘରେ ଦିର୍ଘ ୨ମାସ ହେବ ଏକ ବଜ୍ରକାପ୍ତା ରହିଥିଲା । କୌଣସି ସୂତ୍ରରୁ ବନ ବିଭାଗ ଖବର ପାଇ ଛଦ୍ମବେଶରେ ଯାଇ ପହଞ୍ଚିଥିଲେ । ସଂପୂର୍ଣ୍ଣ ତଥ୍ୟ ହାସଲ କରିବା ପରେ ସେହି ଗାଁର ସଂପୃକ୍ତ ସନ୍ତୋଷ ମହାକୁଡ଼, କୈଳାସ ନାୟକ, ଟାଇନଶିରା ଗାଁର ଗଣନାଥ ନାୟକ ଓ ଜଗମୋହନପୁର ର ମୁନା ମୁଣ୍ଡାଙ୍କୁ ବନ ବିଭାଗ ପକ୍ଷରୁ ଗିରଫ କରାଯାଇଛି ।
