Anupambharat News Bureau
ଭଞ୍ଜନଗର,୧୪ ।୫(ଅନୁପମ ମିଡ଼ିଆ) : ଏକତରଫା ପ୍ରେମରୁ ଅଘଟଣ । ଯୁବତୀକୁ ଏକା ପାଇଁ ଗାଢ ଚୁମ୍ବନ ଦେଲା ହତାଶ ପ୍ରେମିକ । ଚୁମ୍ବନ ଦେଇ ଓଠକୁ କାମୁଡି ଛିଣ୍ଡାଇ ଦେଇଥିବା ହତାଶ ପ୍ରେମିକକୁ ଶେଷରେ ପୋଲିସ କାବୁ କରିଛି ।
ଏଭଳି ଏକ ମାମଲା ଭଞ୍ଜନଗର ଥାନା ଇଲାକାରେ ଘଟିଯାଇଛି । ପୁଲିସ ସୁତ୍ରରୁ ମିଳିଥିବା ସୁଚନା ପ୍ରକାରେ ନିକଟସ୍ଥ ଗାମୁଣ୍ଡି ଗ୍ରାମର ଜନୈକ ଏକ ଯୁବତୀକୁ ସେହି ଗ୍ରାମର ସିତୁନ୍ କର ନାମକ ଜଣେ ଯୁବକ ଏକତରଫା ପ୍ରେମ କରୁଥିଲା । ବାରମ୍ବାର ଯୁବତୀ ଜଣକୁ ସେ ମୋବାଇଲରେ ବିଭିନ୍ନ ବାଜେ କଥା କହୁଥିଲା । ଏସଂପର୍କରେ ଯୁବତୀ ଜଣକ ନିଜ ପରିବାର ଲୋକଙ୍କୁ ଜଣାଇବାପରେ ସିତୁନ୍ କୁଆଡେ ସଂପୃକ୍ତ ଯୁବତୀ ଉପରେ ରାଗ ପଡିଥିଲା । ଗତ ୧୦ ତାରିଖ ଖରାବେଳେ ଗ୍ରାମର ଶିବ ମନ୍ଦିରକୁ ଯୁବତୀ ଜଣକ ଏକ ଛୋଟ ଝିଅ ସହ ଯାଉଥିବା ଦେଖି ସିତୁନ୍ ସଂପୃକ୍ତ ଯୁବତୀକୁ ଜୋର ଜାବୁଡି ଧରିବାସହ ତାର ଓଠକୁ ଚୁମ୍ବନ ଦେବା ନାଁରେ କାମୁଡି ରକ୍ତାକ୍ତ କରି ପକାଇଥିଲା । ଯୁବତୀ ଜଣକ ପାଟି କରିବାରୁ ସିତୁନ୍ ଘଟଣାସ୍ଥଳରୁ ଦୌଡି ପଳାଇଥିଲା । ଏସଂପର୍କରେ ଯୁବତୀଙ୍କ ପରିବାର ଲୋକଙ୍କ ପକ୍ଷରୁ ଭଞ୍ଜନଗର ଥାନରେ ଏତଲା ଦିଆଯାଇଥିଲା । ପୁଲିସ ଥାନା କେଶ ନମ୍ବର- ୧୪୨/୧୯ ପ୍ରକାରେ ମାମଲା ରୁଜୁ କରିଥିବାବେଳେ ସୋମବାର ସିତୁନ୍ କରକୁ ଗିରଫ କରି କୋର୍ଟଚାଲଣ କରିଥିବା ଥାନା ଅଧିକାରୀ ସୁଦୀପ୍ତ କୁମାର ସାହୁ ସୁଚନା ଦେଇଛନ୍ତି ।
