Anupambharat News Bureau
କଟକ, ୧୫ା୫ (ଅନୁପମ ମିଡିଆ): ନିଖୋଜ ହୋଇଥିବା ଦୁଇ ଜଣ କଲେଜ ଛାତ୍ରଙ୍କ ମୃତଦେହ ଆଜି ମହାନଦୀରୁ ଜଗତପୁର ଥାନା ପୁଲିସ ଉଦ୍ଧାର କରିଛି । ଗତ ସୋମବାର ମଧ୍ୟାହ୍ନରେ ଦୁଇ କଲେଜ ଛାତ୍ର ନିଖୋଜ ହୋଇଥିବା ନେଇ ସୋମବାର ସନ୍ଧ୍ୟାରେ ପରିବାର ଲୋକ ମାଲଗୋଦାମ ଥାନାରେ ଅଭିଯୋଗ କରିଥିଲେ । ମଙ୍ଗଳବାର ସନ୍ଧ୍ୟାରେ ଜଗତପୁର ବ୍ୟାରେଜ ନିକଟରୁ କୈାଶବ ତ୍ରିପାଠୀଙ୍କ ଆକଫିଭା, ଉଭୟଙ୍କ ମୋବାଇଲ ଫୋନ ଉଦ୍ଧାର କରାଯାଇଥିବା ବେଳେ ଆଜି ସକାଳୁ ଉଭୟଙ୍କ ମୃତଦେହ ମହାନଦୀରୁ ଉଦ୍ଧାର କରାଯାଇଛି ।
ମୃତକ ଦ୍ୱୟ ହେଲେ ଜଗତସିଂହପୁର ଜିଲ୍ଲା କୁଜଙ୍ଗ ଥାନା ଅନ୍ତର୍ଗତ ପଙ୍କପାଳର କୈାଶବ ତ୍ରିପାଠୀ ଓ ଯାଜପୁର ଧର୍ମଶାଳା ପ୍ରତୀକ ପରିଡା । ପ୍ରକାଶ ଯେ, କୈାଶବ ଜେକେବିକେ କଲେଜରେ ୩ ଦ୍ୱିତୀୟ ବର୍ଷ କଳାର ଛାତ୍ର ହୋଇଥିବା ବେଳେ ପ୍ରତୀକ ରେଭେନ୍ସା ବିଶ୍ୱବିଦ୍ୟାଳୟର ୩ ଦ୍ୱିତୀୟ ବର୍ଷର ଆଇଟିଏମ ଛାତ୍ର । ଉଭୟେ ମାଲଗୋଦାମ ଥାନା ଅନ୍ତର୍ଗତ ପାରେଶ୍ୱର ସାହିରେ ଥିବା ଏକ ଘରୋଇ ମେସରେ ରହୁଥିଲେ । ସୋମବାର ଦିନ ଅତ୍ୟଧିକ ଗୁଳୁଗୁଳି ହେଉଥିବାରୁ ଉଭୟେ ମହାନଦୀକୁ ଗାଧୋଇବା ପାଇଁ ଯାଇଥିଲେ । ତେବେ ମେସକୁ ନଫେରିବାରୁ ସେମାନଙ୍କର ଅନ୍ୟ ସାଙ୍ଗମାନେ ତାଙ୍କ ପରିବାରକୁ ଜଣାଇଥିଲେ । ପରିବାର ଲୋକେ ଉଭୟଙ୍କ ନିଖୋଜ ହେବା ମାଲଗୋଦାମ ଥାନାରେ ଅଭିଯୋଗ କରିଥିଲେ । ପର ଦିନ ସନ୍ଧ୍ୟାରେ ମହାନଦୀ ବ୍ୟାରେଜ ନିକଟ ବନ୍ଧରୁ ତାଙ୍କର ଆକଫିଭା ଗାଡିଟି ମିଳିଥିଲା । ଏସଂପର୍କରେ ପରିବାର ଲୋକେ ଜଗତପୁର ଥାନାରେ ଜଣାଇଥିଲେ । ପୁଲିସ ଖୋଜା ଖୋଜି କରି ଦୀର୍ଘ ୪୦ ଘଣ୍ଟା ପରେ ଆତୁଡା ମହାନ୍ତି ସାହି ନିକଟସ୍ଥ ମହାନଦୀ ବାଲି ଉପରୁ ନିଖୋଜ କୈାଶବର ମୃତଦେହ ପାଇଥିବା ବେଳେ ମହାନଦୀନଗର ପାଶ୍ୱର୍ ମହାନଦୀ ବାଲିରୁ ପ୍ରତୀକ ପରିଡାଙ୍କ ମୃତଦେହ ଉଦ୍ଧାର କରିଥିଲା । ତେବେ ଦୁହିଁଙ୍କ ଶବ ପଚିଯାଇ ଦୁର୍ଗନ୍ଧ ବାହାରୁଥିଲା । ପୁଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ଏସସିବି ମେଡିକାଲକୁ ପଠାଇଥିଲା ।
