Anupambharat News Bureau
କେନ୍ଦୁଝର, ୧୫ା୫(ଅନୁପମ ମିଡିଆ): କେନ୍ଦୁଝର ସଦର ଥାନା ଶୁଆକାଟୀସ୍ଥିତ ଓଏମ୍ସି ଖଣି ପରିସରରେ ବୁଧବାର ଦିନ ଏକ ଦୂର୍ଘଟଣା ଘଟି ଟ୍ରକଟି ୩୦ଫୁଟ୍ ତଳକୁ ଖସି ପଡିବାରୁ ଡ୍ରାଇଭରଙ୍କ ମୃତୁ୍ୟ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁସାରେ, ବୁଧବାର ଅପରାହ୍ନ ୧ଟା ୩୦ମିନିଟ୍ ସମୟରେ ଓଡି୧୯-ଡି-୯୧୪୧ ନମ୍ବର ବିଶିଷ୍ଟ ଏକ ହାଇୱା ଟ୍ରକ ଲୁହାପଥର ବୋଝେଇ କରି ଆସୁଥିବା ସମୟରେ ୪ନଂ କଣ୍ଟା ନିକଟରେ ୩୦ଫୁଟ ତଳକୁ ଖସି ପଡିଥିଲା । ଫଳରେ ଟ୍ରକଟି ଭାଙ୍ଗିରୁଜି ଯିବା ସହ ଡ୍ରାଇଭର ସାଗର ଦେହୁରୀଙ୍କର ମୃତୁ୍ୟ ହୋଇଥିବା ଜଣାପଡିଛି । ଖବରପାଇ ସଦର ପୁଲିସ ଘଟଣାସ୍ଥଳରେ ପହଞ୍ଚି ଦୂର୍ଘଟଣାଗ୍ରସ୍ତ ଟ୍ରକ ଓ ମୃତ ଡ୍ରାଇଭରଙ୍କ ଶବ ଜବତ କରିଥିବା ଖବର ମିଳିଛି ।
