Anupambharat News Bureau
ସାଲେପୁର, ୪ ।୧ (ଅନୁପମ ମିଡିଆ): ଜଣେ ମହିଳାଙ୍କୁ ଲିଫଫ ଦେବା ଆଳରେ ତାଙ୍କୁ ନିଶା ଖୁଆଇ ଭୁବନେଶ୍ୱରରେ ରଖି ୩ମାସ ଧରି ବଳାତ୍କାର କରିବା ଓ ମହିଳା ଜଣକ ସେଠାରୁ ଖସିଆସି ସାଲେପୁର ଥାନାରେ ଅଭିଯୋଗ କଲାପରେ ସାଲେପୁର ପୁଲିସ ଜନୈକ ବ୍ୟକ୍ତିକୁ ଆଜି ଗିରଫ କରିବା ସହ ମହିଳା ଜଣକର ଡାକ୍ତରୀ ମାଇନା କରିଥିବା ଜଣାଯାଇଛି । ଖବରରୁ ପ୍ରକାଶ ଯେ ଗତ ଅଗଷ୍ଟ ମାସରେ ମିର୍ଜାପୁର ପଞ୍ଚାୟତ ଦେଉଳି ଗ୍ରାମର ଅମିର ଖାଁ ନାମକ ଜଣେ ବ୍ୟକ୍ତି ଉକ୍ତ ଅଞ୍ଚଳର ଜନୈକ ମହିଳାଙ୍କୁ ଗାଡ଼ିରେ ଲିଫଫ ଦେଇ ତାକୁ ବାଟରେ ନିଶା ଖୁଆଇ ଅଚେତ୍ କରିବାପରେ ତାକୁ ଭୁବନେଶ୍ୱରର ଏକ ସ୍ଥାନରେ ରଖି ୩ମାସ ଧରି ତା’ ସହ ବଳାତ୍କାର କରିଚାଲିଥିଲା । ମହିଳା ଜଣକ କୌଶଳ କ୍ରମେ ସେଠାରୁ ଖସିଆସି ଚଳିତ ମାସ ୩ତାରିଖ ଶୁକ୍ରବାର ଦିନ ସାଲେପୁର ଥାନାରେ ଲିଖିତ ଅଭିଯୋଗ କଲାପରେ ସାଲେପୁର ପୁଲିସ ଅଭିଯୋଗକୁ ଗ୍ରହଣ କରି ସାଲେପୁର ଥାନା କେଶ୍ ନଂ-୫/୨୦୨୦ରେ ଦଫା ୩୬୩, ୩୨୯, ୩୬୬, ୩୭୯, ୩୭୬(୨) (ଏନ୍.)ରେ ମାମଲା ରୁଜୁ କରି ଅଭିଯୁକ୍ତ ଅମିର ଖାଁକୁ ଗିରଫ କରିବା ସହ ମହିଳା ଜଣକର ଆଜି ଡାକ୍ତରୀ ମାଇନା କରିଥିବା ଜଣାଯାଇଛି । ଆସନ୍ତା କାଲି ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି ସାଲେପୁର ପୁଲିସ ସୂତ୍ରରୁ ଜଣାଯାଇଛି । ଏହି ଘଟଣା ସ୍ଥାନୀୟ ଅଞ୍ଚଳରେ ମୁଖ୍ୟ ଚର୍ଚ୍ଚାର ବିଷୟ ହୋଇଛି ।
