Anupambharat News Bureau
ଅନୁଗୁଳ, ୪ା୧ (ଅନୁପମ ମିଡିଆ): ନୂଆବର୍ଷର ପ୍ରଥମ ସପ୍ତାହକୁ ଅନେକ ଭୋଜିଭାତ କରି କଟାଉଥିବା ବେଳେ ମହୀଧରପୁର ଫାଣ୍ଡି ଅଞ୍ଚଳରେ ଏକ ଅଘଟଣ । ଗୋଟିଏ ପରିବାରକୁ ଦୁଃଖର ଅନ୍ଧାର ଭିତରକୁ ଠେଲିଦେଇଛି । ପର ପୁରୁଷ ସହିତ ପତ୍ନୀର ଅନୈତିକ ସଂପର୍କ ଦେଖିବା ପରେ ସ୍ୱାମୀ ରଶି ଲଗାଇ ଆତ୍ମହତ୍ୟା କରିଛନ୍ତି । ଏ ଘଟଣା ଅଞ୍ଚଳରେ ଆଲୋଚ୍ୟର ବିଷୟ ହୋଇଛି । ସୂଚନା ଅନୁଯାୟୀ ଏହି ଦମ୍ପତିଙ୍କର ସନ୍ତାନ କହିଲେ କେବଳ ଗୋଟିଏ ଛୋଟ ପୁଅ ରହିଛି । ପତ୍ନୀ ଅନ୍ୟ ପୁରୁଷ ସହିତ ଅନୈତିକ ସଂପର୍କ ରଖିବା ଯୋଗୁଁ ପୂର୍ବରୁ ତାଙ୍କ ସହ ସ୍ୱାମୀଙ୍କର ବାରମ୍ବାର ଝଗଡ଼ା ହୋଇଥିଲା । ଗତକାଲି ସ୍ୱାମୀ ବାହାରକୁ ଯାଇଥିଲେ । ସେ ମଧ୍ୟାହ୍ନରେ ଘରକୁ ଫେରିଆସି ପତ୍ନୀକୁ ଅନ୍ୟ ପୁରୁଷ ସହିତ ଅସଂଯତ ଅବସ୍ଥାରେ ଦେଖିଥିଲେ । ଏହାପରେ ପତ୍ନୀ ସହି ଝଗଡ଼ା କରି ଏକ ବଖରାରେ ସେ ରଶି ଲଗାଇ ଦେଇଥିଲେ । ରାତିରେ ଖାଇବା ପାଇଁ ପୁଅ ଡ଼ାକିବାକୁ ଯାଇ ବାପା ରଶିରେ ଝୁଲୁଥିବା ଦେଇଥିଲେ । ପରିବାର ସଦସ୍ୟ ଏହା ଜାଣିବା ପରେ ରାତାରାତି ଶବ ପୋଡ଼ି ଦେଇଥିବା କୁହାଯାଉଛି । ତେବେ ଏ ସଂକ୍ରାନ୍ତରେ ରାତିସୁଦ୍ଧା ଥାନାରେ କୌଣସି ଏତଲା ଦାଖଲ ହୋଇନଥିବା ଫାଣ୍ଡି ଅଧିକାରୀ ଅଶୋକ ତ୍ରିପାଠୀ କହିଛନ୍ତି ।
