Anupambharat News Bureau
ମୁମ୍ବାଇ: ବଲିଉଡ ଅଭିନେତ୍ରୀ ବିଦ୍ୟା ବାଲନ ନିଜ ଦମଦାର ଅଭିନୟ ପାଇଁ ଗ୍ଲାମର ଦୁନିଆରେ ବେଶ ଚର୍ଚ୍ଚାରେ ରୁହନ୍ତି । ଆଜିକାଲି ସେ ନିଜ କ୍ୟାରିଅରର ଟପ୍ରେ ଅଛନ୍ତି । ତାଙ୍କର ଆଗାମୀ ଫିଲ୍ମ ପାଇଁ ବିଦ୍ୟା ବ୍ୟସ୍ତ ରହୁଥିବା କଥା ଜଣାପଡିଛି ।
ଏହା ପୂର୍ବରୁ ଶେଷ ଥର ବିଦ୍ୟା ଅଭିନୀତ ମିଶନ ମଙ୍ଗଲ ଫିଲ୍ମ ସଫଳ ହୋଇଥିଲା । ଏହି ଫିଲ୍ମଟି ବେଶ ଲୋକପ୍ରିୟତା ହାସଲ କରିଥିଲା । ଏବେ ସେ ଅଧିକାଂଶ ନାରୀ କୈନ୍ଦ୍ରିକ ଫିଲ୍ମ କରୁଛନ୍ତି । ଏବେ ବିଦ୍ୟା ଫିଲ୍ମ ‘ଶକୁନ୍ତଳା ଦେବୀ’ ପାଇଁ ବ୍ୟସ୍ତ ଅଛନ୍ତି । ୨୦୨୦ ମସିହାରେ ଏହି ଫିଲ୍ମ ରିଲିଜ୍ ହେବାକୁ ଯାଉଛି ।ଏହା ସହ ତାଙ୍କୁ ଆଉ ଏକ ଫିଲ୍ମ ଅଫର କରାଯାଇଛି । ବିଦ୍ୟା ଏକ ସତ୍ୟ ଘଟଣା ଉପରେ ଆଧାରିତ ଫିଲ୍ମରେ ଅଭିନୟ କରିବେ ।
ଏହି ଫିଲ୍ମ ନେଇ ସୋସିଆଲ ମିଡିଆରେ ବେଶ ଚର୍ଚ୍ଚା ହେଉଛି । ରିପୋର୍ଟ ଅନୁସାରେ ବାଘୁଣୀ ଅବ୍ନୀର ହତ୍ୟା ଉପରେ ଆଧାରିତ ଫିଲ୍ମରେ ବିଦ୍ୟାଙ୍କୁ ଦେଖିବାକୁ ମିଳିବ । ଗତ ବର୍ଷ ମହାରାଷ୍ଟ୍ରର ଏହି ଘଟଣା ସାରା ଦେଶରେ ଚର୍ଚ୍ଚାର ବିଷୟ ପାଲଟିଥିଲା । ମହାରାଷ୍ଟ୍ରର ପା„ରକାଓଡ଼ା ଅଞ୍ଚଳରେ ବାଘୁଣୀ ଅବ୍ନୀ ୧୩ ଜଣଙ୍କୁ ଶିକାର କରିଥିଲା । ସ୍ଥାନୀୟ ଅଞ୍ଚଳର ଲୋକେ ଖୁବ ଡରିଯାଇଥିଲେ । ଅବ୍ନୀକୁ ନେଇ ଲୋକଙ୍କ ମଧ୍ୟରେ ଭୟ ବଢିଥିବାରୁ ତାକୁ ହତ୍ୟା କରାଯାଇଥିଲା । ତେବେ ଏହି ମୁଖ୍ୟ ପ୍ରସଙ୍ଗ ନେଇ ଏବେ ଏକ ଫିଲ୍ମ ତିଆରି କରାଯିବାର ନିଷ୍ପତ୍ତି ନିଆଯାଇଛି । ଏହି ଘଟଣା ଉପରେ ଆଧାରିତ ଫିଲ୍ମରେ ବିଦ୍ୟା ମୁଖ୍ୟ ଭୂମିକାରେ ଅଭିନୟ କରିବେ । ଫିଲ୍ମରେ ସେ ଜଣେ ଫରେଷ୍ଟ ଅଫିସରର ଚରିତ୍ରରେ ନଜର ଆସିବେ । ଏହି ଭୂମିକା ପାଇଁ ବିଦ୍ୟା ଫିଟ୍ ବୋଲି କୁହାଯାଉଛି । ଏହା ପୂର୍ବରୁ ଶେଷ ଥର ବିଦ୍ୟା ଅଭିନୀତ ମିଶନ ମଙ୍ଗଲ ଫିଲ୍ମ ସଫଳ ହୋଇଥିଲା । ଏହି ଫିଲ୍ମଟି ବେଶ ଲୋକପ୍ରିୟତା ହାସଲ କରିଥିଲା । ଏବେ ସେ ଅଧିକାଂଶ ନାରୀ କୈନ୍ଦ୍ରିକ ଫିଲ୍ମ କରୁଛନ୍ତି । ଏବେ ବିଦ୍ୟା ଫିଲ୍ମ ‘ଶକୁନ୍ତଳା ଦେବୀ’ ପାଇଁ ବ୍ୟସ୍ତ ଅଛନ୍ତି ।
