Anupambharat News Bureau
ମୁମ୍ବାଇ: ଆଜି ସାରା ଦେଶରେ ରାକ୍ଷୀ ପୂର୍ଣ୍ଣିମା ପାଳନ କରାଯାଉଛି ।ସବୁ ଭଉଣୀମାନେ ନିଜ ଭାଇ ହାତରେ ରାକ୍ଷୀ ବାନ୍ଧି ନିଜ ସୁରକ୍ଷାର ବଚ୍ଚନ ନେଉଛନ୍ତି । ବଲିଉଡ ଅଭିନେତା ସୁଶାନ୍ତଙ୍କ ମୃତ୍ୟୁ ପରେ ଚଳିତ ବର୍ଷ ନିଜ ଭାଇ ହାତରେ ରାକ୍ଷୀ ବାନ୍ଧି ନପାରି ତାଙ୍କ ଭଉଣୀ ଲେଖିଥିବା କବିତା ଏବେ ସମସ୍ତଙ୍କ ଆଖିରେ ଲୁହ ଆଣି ଦେଇଛି । ୩୫ବର୍ଷରେ ଆଜି ପ୍ରଥମ ଥର ପାଇଁ ପୂଜା ଥାଳି ଅଛି, କି;ୁ ଆଳତି ପାଇଁ ତୁ ନାହୁଁ ବୋଲି ଲେଖିଛନ୍ତି ସୁଶାନ୍ତଙ୍କ ବଡ଼ ଭଉଣୀ ରାଣୀ । ସେ ଲେଖିଛନ୍ତି, ଗୁଲଶନ୍, ଆଜି ମୋର ଦିନ, ଆଜି ତୋର ଦିନ, ଆଜି ଆମର ଦିନ, ଆଜି ହେଉଛି ରାକ୍ଷୀ ପୂର୍ଣ୍ଣିମା । ୩୫ବର୍ଷ ପରେ ଆଜି ପୂଜାର ଥାଳି ଅଛି, ଆଳତୀ ପାଇଁ ଦୀପ ବି ଜଳୁଛି । ହଳଦୀ ଚନ୍ଦନର ଟୀକା ଓ ମିଠା ମଧ୍ୟ ଅଛିଛ କି;ୁ ଆଳତି ପାଇଁ ସେହି ଚେହେରା ନାହିଁ । ଟୀକା ଲଗାଇବା ପାଇଁ ସେହି ମଥା ଏବଂ ରାକ୍ଷୀ ବାନ୍ଧିବା ପାଇଁ ସେହି ହାତ ନାହିଁ । ଯେତେବେଳେ ତୁ ଆମ ଜୀବନରେ ପ୍ରଥମେ ଆସିଥିଲୁ, ଆମ ଜୀବନ ଚମକି ଉଠିଥିଲା । ତୁ ଯିବା ପରେ ମୁଁ କ’ଣ କରିବି ଜାଣି ପାରୁ ନାହିଁ । କେବେ ଭାବିନଥିଲି କି, ଆଜି ଭଳି ଦିନରେ ତୁ ଆମ ପାଖରେ ନଥିବୁ । ଅନେକ ଜିନିଷ ଆମେ ସାଥିରେ ଶିଖିଛେ । ଏବେ ତୋ ବିନା ରହିବା ମୁଁ ଏକା କେମିତି ଶିଖିବି? ବୋଲି ଲେଖିଛନ୍ତି ସୁଶାନ୍ତଙ୍କ ଭଉଣୀ ରାଣୀ ।
