Anupambharat News Bureau
କୋଲକାତା : ଆଗାମୀ ବିଧାନସଭା ନିର୍ବାଚନ ପୂର୍ବରୁ ପଶ୍ଚିମବଙ୍ଗ ରାଜନୀତି ଚଳଚଞ୍ଚଳ ହୋଇ ଉଠିଛି । ଶାସକ ତୃଣମୂଳ କଂଗ୍ରେସ ଓ ଭାରତୀୟ ଜନତା ପାର୍ଟି ମଧ୍ୟରେ ପ୍ରତିଦ୍ନ୍ଦିତା ହେବାକୁ ଯାଉଛିଛ ଏବେଠୁ ଉଭୟ ଦଳର ନେତାଙ୍କ ମଧ୍ୟରେ ବାକ୍ ଯୁଦ୍ଧ ମଧ୍ୟ ଆରମ୍ଭ ହୋଇ ଯାଇଛି । ଏହି କ୍ରମରେ ଶନିବାର ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଦେଶର ରାଜଧାନୀ କେବଳ ଦିଲ୍ଲୀ କଣ ପାଇଁ ରହିବ ।
ଦେଶର ଚାରି କୋଣରେ ଚାରି ରାଜଧାନୀ ହେବା ଉଚିିଛ ବାନାର୍ଜୀ ନିଜ ସାଂସଦଙ୍କୁ ଏହି ପ୍ରସଙ୍ଗ ସଂସଦରେ ଉଠାଇବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି ସେ କହିଛନ୍ତି ଦିଲ୍ଲୀରେ ଅଧିକାଂଶ ଲୋକ ବାହାରର ଅଟନ୍ତି । କୋଲକାତାରେ ନେତାଜୀ ସୁଭାଷ ବୋଷଙ୍କ ୧୨୫ତମ ଜନ୍ମ ଜୟନ୍ତୀ ଅବସରରେ ଆୟୋଜିକ ଏକ ରାଲିକୁ ସମ୍ବୋଧିତ କରି ମମତା ବାନାର୍ଜୀ କହିଛନ୍ତି, ସମୟ ଥିଲା କୋଲକାତା ଦେଶର ରାଜଧାନୀ ଥିଲା ।
ତେଣୁ ଦେଶର ଏହି ସହରକୁ ରାଜଧାନୀ କଣ ପାଇଁ ଘୋଷଣା କରାଯାଇ ପାରିବ ନାହିଁ ? କୋଲକାତାକୁ ଦେଶର ଦ୍ିତୀୟ ରାଜଧାନୀ କରିବାକୁ ପଡିବ ବୋଲି ମମତା କହିଛନ୍ତି । ପଶ୍ଚିମବଙ୍ଗର ମୁଖ୍ୟମନ୍ତ୍ରୀଙ୍କ ଏହି ବୟାନ ସେହି ସମୟରେ ଆସିଛି, ଯେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନେତାଜୀଙ୍କ ଜନ୍ମ ଜୟନ୍ତୀ ପାଳନ ପାଇଁ ଶନିବାର ଛଅ ଘଣ୍ଟିଆ କୋଲକାତା ଗସ୍ତରେ ଆସୁଛନ୍ତି । ମମତା ବାନାର୍ଜୀ ଟିଏମସି ସାଂସଦଙ୍କୁ ଏହି ପ୍ରସଙ୍ଗ ସଂସଦରେ ଉଠାଇବାକୁ ନିର୍ଦ୍ଦେଶ ଦେବା ସହ କହିଛନ୍ତି ଯେ, କଣ ପାଇଁ ଦେଶରେ ଗୋଟିଏ ରାଜଧାନୀ ରହିବ ? ଦେଶର ପ୍ରତି କୋଣରେ ଗୋଟିଏ ରାଜଧାନୀ ହେବା ଉଚିତ ଏବଂ ମୋଟ୍ ୪ ରାଜଧାନୀ ହେଉ । ସଂସଦର ସମସ୍ତ ଅଧିବେଶନ ରାଜଧାନୀରେ ଆୟୋଜିତ କରାଯାଉ । ମମତା ଏହା ମଧ୍ୟ କହିଛନ୍ତି, ଦକ୍ଷିଣ ଭାରତୀୟ ରାଜ୍ୟ ତାମିଲନାଡୁ, କର୍ଣ୍ଣାଟକ କିମ୍ବା କେରଳରେ ମଧ୍ୟ ଗୋଟିଏ ରାଜଧାନୀ ହେବା ଉଚିତ । ପରବର୍ତ୍ତୀ ରାଜଧାନୀ ଉତ୍ତର ପ୍ରଦେଶ, ପଞ୍ଜାବ କିମ୍ା ରାଜସ୍ଥାନରେ ରହିବା ଉଚିତ । ସେହି ପରି ବିହାର, ଓଡିଶା କିମ୍ବା କୋଲକାତାରେ ହେବା ଉଚିିତ ବୋଲି ମମତା କହିଛନ୍ତି ।
ଉଲ୍ଲେଖଥାଉକି, ପଶ୍ଚିମବଙ୍ଗ ନିର୍ବାଚନ ପୂର୍ବରୁ ଦମ୍ ଦେଖାଇଲେ ମୁଖ୍ୟମନ୍ତ୍ରୀ ମମତା ବାନାର୍ଜୀ । ନେତାଜୀ ଜୟନ୍ତୀରେ କଲେ ଶକ୍ତି ପ୍ରଦର୍ଶନ । ଦୀର୍ଘ ୬ କିଲୋଟିମର ବ୍ୟାପୀ ଆରମ୍ଭ କଲେ ପଦଯାତ୍ରାଛ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଶନିବାର ନେତାଜୀ ଜୟନ୍ତୀକୁ ପାଳନ କରିବା ସହିତ ଶ୍ୟାମ ବଜାରରୁ ରେଡ୍ ରୋଡ୍ ପର୍ଯ୍ୟନ୍ତ ରୋଡ୍ ଶୋ’ ଆରମ୍ଭ କରିଛନ୍ତି । ତାଙ୍କର ଏହି ରୋଡ ଶୋ’ରେ ଅନେକ ଟିଏମସି ନେତାମାନେ ମଧ୍ୟ ସାମିଲ ଥିଲେ । ପଶ୍ଚିମବଙ୍ଗରେ ନେତାଜୀଙ୍କ ଜୟନ୍ତୀକୁ ନେଇ ରାଜନୀତି ଜୋର ଧରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପଶ୍ଚିମବଙ୍ଗ ଗସ୍ତ ପୂର୍ବରୁ ରୋଡ ଶୋ’ କରିଛନ୍ତି ମୁଖ୍ୟମନ୍ତ୍ରୀ ମମତା । ଏହି ସମୟରେ ସେ ପ୍ରଧାନମନ୍ତ୍ରୀ ମୋଦିଙ୍କୁ ଟାକ୍ଷ କରିଛନ୍ତି ।
କେନ୍ଦ୍ର ସରକାର ଏହି ଦିନକୁ ପରାକ୍ରମ ଦିବସର ରୂପେ ପାଳନ କରିବାକୁ ଘୋଷଣା କରିଥିବା ବେଳେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ କି;ୁ ଏହାକୁ ବିରୋଧ କରିଛନ୍ତି । ସେ ପଶ୍ଚିମବଙ୍ଗରେ ନେତାଜୀ ଜୟନ୍ତୀକୁ ‘ଦେଶନାୟକ ଦିବସ’ ରୂପେ ପାଳନ କରିଛନ୍ତି । ଏକ ବର୍ଷ ଧରି ପଶ୍ଚିମବଙ୍ଗରେ ଏହି ଉତ୍ସବ ପାଳନ ହେବ ବୋଲି ମମତା ଘୋଷଣା କରିଛନ୍ତି । ମମତା କହିଛନ୍ତି, ମୁଁ ପରାକ୍ରମ ଶବ୍ଦକୁ ବୁଝେନି, ମୁଁ ନେତାଜୀଙ୍କ ଦେଶ ପ୍ରେମକୁ ବୁଝିଛି, ନେତାଜୀ ଧର୍ମର ଏକତା ଉପରେ ବିଶ୍ୱାସ କରୁଥିଲେ । ଏଥିପାଇଁ ତାଙ୍କ ଜୟନ୍ତୀକୁ ଦେଶନାୟକ ଦିବସ ରୂପେ ପାଳନ କରାଯିବ ।
କାରଣ ରବିନ୍ଦ୍ର ନାଥ ଟାଗୋର ତାଙ୍କୁ ଏହି ଉପାଧି ଦେଇଥିଲେ । ବିରୋଧୀଙ୍କୁ କଟାକ୍ଷ କରି ମମତା କହିଛନ୍ତି, କିଛି ଲୋକଙ୍କୁ ଠିକ୍ ନିର୍ବାଚନ ପୂର୍ବରୁ ନେତାଜୀଙ୍କ କଥା ମନେ ପଡୁଛି । ଅନ୍ୟ ଦିନ ମାନଙ୍କରେ କି;ୁ ଏଭଳି ଭକ୍ତି ଦେଖିବାକୁ ମିଳୁନି । ଅନ୍ୟପଟେ ପ୍ରଧାନମନ୍ତ୍ରୀ ମୋଦୀ ଆଜି ପଶ୍ଚିମବଙ୍ଗ ଯାଇ ସେଠାରେ ନେତାଜୀ ଜୟନ୍ତୀ ପାଳନ କରିବାର କାର୍ଯ୍ୟକ୍ରମ ରହିଛି । ଭିକେଫାରିଆ ମେମୋରିଆଲରେ ଆୟୋଜିତ ହେବାକୁ ଥିବା ଏହି କାର୍ଯ୍ୟକ୍ରମରେ ପଶ୍ଚିମବଙ୍ଗ ରାଜ୍ୟପାଳ ଓ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଯୋଗ ଦେବେ । ସନ୍ଧ୍ୟା ସାଢେ ୬ଟା ବେଳକୁ ଏହି ଉତ୍ସବ ହେବ ।
