ନୂଆଦିଲ୍ଳୀ :ଏକ ହରର ଫିଲ୍ମ ୧୯୨୦’ ଜରିଆରେ ବଲିଉଡରେ ପ୍ରବେଶ କରିଥିଲେ ଅଭିନେତ୍ରୀ ଅଦା ଶର୍ମା । ଫିଲ୍ମଟି ବକ୍ସ ଅଫିସରେ ବଡ଼ ସଫଳତା ପାଇଥିଲା । ଅଦାଙ୍କ ପ୍ରଦର୍ଶନ ବି ଖୁବ୍ ପ୍ରଶଂସିତ ହୋଇଥିଲା । ଏହା ପରେ ତାଙ୍କୁ ୨ୟ ଫିଲ୍ମ ପାଇବାକୁ ତାଙ୍କୁ ପ୍ରାୟ ୪ ବର୍ଷ ସମୟ ଲାଗିଲା । ପ୍ରଥମ ଫିଲ୍ମର ଚରିତ୍ର ଯାହା ହୋଇଥାଏ, ଲୋକେ ଜଣେ କଳାକାରକୁ ବାସ୍ତବରେ ସେହିଭଳି ଭାବି ନିଅନ୍ତି । ତାପରେ ଭିନ୍ନ ଧରଣର ଫିଲ୍ମରେ ସୁଯୋଗ ପାଇବା ବହୁତ କଷ୍ଟକର ହୋଇଥାଏ ବୋଲି ଅଦା କହିଛନ୍ତି । ଜଣେ କଳାକାର ଇଣ୍ଡଷ୍ଟ୍ରି ଭିତରର ହୋଇନଥିଲେ ସୁଯୋଗ ମିଳିବା ଅତ୍ୟନ୍ତ କଷ୍ଟକର ବୋଲି ସେ କହିଛନ୍ତି । ଦୀର୍ଘ ୧୦ ବର୍ଷର ସିନେ କ୍ୟାରିଅୟରରେ ଏପର୍ଯ୍ୟନ୍ତ ମାତ୍ର ୧୬ଟି ଫିଲ୍ମରେ ସେ ଅଭିନୟ କରିଛନ୍ତି । ବଲିଉଡ ବାହ୍ୟ କଳାକାରଙ୍କୁ କମ ସୁଯୋଗ ଦେଉଛି ବୋଲି ଅଦା ଅଭିଯୋଗ କରିଛନ୍ତି ।