Anupambharat News Bureau
ବ୍ରହ୍ମପୁର,୧୨ ।୬(ଅନୁପମ ମିଡ଼ିଆ) : ୨୦୧୭ ଜୁନ୍ ମାସରେ ସ୍ଥାନୀୟ ଟାଉନ୍ ଥାନା ଅଞ୍ଚଳରେ ସଂଗଠିତ ଏକ ନାବାଳିକା ଦୁଷ୍କର୍ମ ମାମଲାରେ ଲାଞ୍ଜିପଲ୍ଲୀ ଢିପସାହିର କୁଖ୍ୟାତ ସୁନୀଲ ବିଷୋୟୀଙ୍କୁ ପୋଲିସ ଗିରଫ କରିଥିବା ବ୍ରହ୍ମପୁର ଏସ୍ଡିପିଓ ବିଷ୍ଣୁ ପ୍ରସାଦ ପତି ସୂଚନା ଦେଇଛନ୍ତି ।
୨୦୧୭ ଜୁନ୍ ମାସରେ ଜଣେ ନାବାଳିକାଙ୍କୁ ଅପହରଣ ସହ ଜବରଦସ୍ତ ଦୁଷ୍କର୍ମ କରିଥିବା ଅଭିଯୋଗରେ କୁଖ୍ୟାର ସୁନୀଲ ବିଷୋୟୀଙ୍କ ନାମରେ ବ୍ରହ୍ମପୁର ଟାଉନ୍ଥାନାରେ ଏକ ଅଭିଯୋଗ ହୋଇଥିଲା । ଉକ୍ତ ଅଭିଯୋଗ ପାଇ ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଥିବାବେଳେ ଅଭିଯୁକ୍ତ ସୁନୀଲ ଫେରାର୍ ହୋଇଯାଇଥିବା ଏବଂ ଗତକାଲି ତାଙ୍କୁ ପୋଲିସ ଗିରଫ କରିବାରେ ସକ୍ଷମ ହୋଇଥିବା ଏସ୍ଡିପିଓ ପତି ସୂଚନା ଦେଇଛନ୍ତି । ଆଜି ତାଙ୍କୁ କୋର୍ଟଚାଲାଣ କରାଯାଇଛି ।
