Anupambharat News Bureau
ପୁରୀ, ୧୬ା୬ (ଅନୁପମ ମିଡିଆ) : ଆସନ୍ତାକାଲି ପୁରୀରେ ଅନୁଷ୍ଠିତ ହେବ ମହାପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ୱପ୍ରସିଦ୍ଧ ପବିତ୍ର ଦେବସ୍ନାନ ପୂର୍ଣ୍ଣିମା । ମହାପ୍ରଭୁଙ୍କୁ ଦର୍ଶନ କରିବା ପାଇଁ ପୁରୀରେ ସମାଗମ ହେବେ ଲକ୍ଷାଧିକ ଭକ୍ତ । ରାଜ୍ୟ ତଥା ରାଜ୍ୟ ବାହାରୁ ଆସିବେ ଲକ୍ଷାଧିକ ଭକ୍ତ ଓ ହଜାର ହଜାର ଯାନବାହନ । ଭକ୍ତମାନଙ୍କ ଶୃଙ୍ଖଳିତ ଦର୍ଶନ ଓ ଟ୍ରାଫିକ୍ ନିୟନ୍ତ୍ରଣ ପାଇଁ ଜିଲ୍ଲା ପୁଲିସ ପ୍ରଶାସନ ପକ୍ଷରୁ ବ୍ୟାପକ ସୁବନ୍ଦୋବସ୍ତ ଗ୍ରହଣ କରାଯାଇଛି ବୋଲି ଜିଲ୍ଲା ପୁଲିସ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ପୁରୀ ଆରକ୍ଷୀ ଅଧୀକ୍ଷକ ଉମାଶଙ୍କର ଦାଶ । ଶ୍ରୀ ଦାଶ ସୂଚନା ଦେଇ କହିଥିଲେ ପହଣ୍ଡି ସମୟରେ କେବଳ ସେବାୟତଙ୍କ ବ୍ୟତୀତ ଯେପରି କୌଣସି ଭକ୍ତ ମହାପ୍ରଭୁଙ୍କୁ ସ୍ପର୍ଶ କରିପାରିବେ ନାହିଁ କିମ୍ବା ସ୍ନାନବେଦୀରେ ଛୁଇଁ ପାରିବେ ନାହିଁ ସେଥିପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ପହଣ୍ଡି ସମୟରେ ମହାପ୍ରଭୁଙ୍କୁ ସ୍ୱତନ୍ତ୍ର କର୍ଡନ କରାଯାଇ ସ୍ନାନବେଦୀ ପର୍ଯ୍ୟନ୍ତ ଅଣାଯିବ । ସେହିପରି ସ୍ନାନବେଦୀକୁ ମଧ୍ୟ କଡା ସୁରକ୍ଷା ବ୍ୟବସ୍ଥା ମଧ୍ୟରେ ରଖାଯିବ । ଭକ୍ତମାନେ ପହଣ୍ଡି ସରିବା ପରେ ବ୍ୟାରିକେଡ ମଧ୍ୟଦେଇ ସ୍ନାନବେଦୀ ତଳ ଦେଇ ଧାଡିରେ ଯାଇ ଶ୍ରୀଜିଉମାନଙ୍କୁ ଦର୍ଶନ କରିବେ । ପହଣ୍ଡି ହେବା ପରଠାରୁ ରାତ୍ର ସାଢେ ୧୦ଟା ୩୦ମି. ପର୍ଯ୍ୟନ୍ତ ସର୍ବସାଧାରଣ ଦର୍ଶନ ଚାଲିବ । ସୁରକ୍ଷା ଦୃଷ୍ଟି କୋଣରୁ ମନ୍ଦିର ଭିତର ଓ ବାହାର ସମେତ ପୁରୀସହରର ବହୁ ଗୁରୁତ୍ୱପୂର୍ଣ୍ଣ ସ୍ଥାନଗୁଡିକ ଉପରେ ସନ୍ଦେହଜନକ କାର୍ଯ୍ୟକଳାପକୁ ନଜର ରଖିବା ପାଇଁ ସିସିଟିଭି ଖାଯାଇଛି । ସାଧାପୋଷାକଧାରୀ ପୁଲିସକୁ ମନ୍ଦିର ଭିତର ଓ ବାହାରେ ନିୟୋଜିତ କରାଯାଇଛି । ଭିଡ ନିୟନ୍ତ୍ରଣ ଓ ଦଳାଚକଟାକୁ ରୋକିବା ପାଇଁ ସ୍ୱତନ୍ତ୍ର ପଦକ୍ଷେପ ଗ୍ରହଣ କରାଯାଇଛି । ସମୁଦ୍ରରେ ଭକ୍ତଙ୍କ ନିରାପଦ ସ୍ନାନ ପାଇଁ ଲାଇଫଗାର୍ଡ ମୁତୟନ କରାଯାଇଛି ସେହିପରି ପରୀକୁ ଆସୁଥିବା ହଜାର ହଜାର ଯାନବାହନକୁ ନିୟନ୍ତ୍ରଣ କରିବା ପାଇଁ ଜିଲ୍ଲା ପୁଲିସ ପ୍ରଶାସନ ପକ୍ଷରୁ ବ୍ୟାପକ ସୁବନ୍ଦୋବସ୍ତ କରାଯାଇଛି । ଟ୍ରାଫିକ୍ ସୁପରିଚାଳନା ପାଇଁ ପୁରୀ ସହରକୁ ତିନୋଟି ଜୋନରେ ବିଭକ୍ତ କରାଯାଇଛି । ଜୋନ ୧କୁ ୪ଟି ସେକଫରରେ ବିଭକ୍ତ କରାଯାଇଛି । ସେହିପରି ଜୋନ ୨କୁ ତିନୋଟି ସେକଫର ଏବଂ ଜୋନ ୩କୁ ଦୁଇଟି ସେକଫରରେ ବିଭକ୍ତ କରାଯାଇଛି । ସେହିପରି ଆଉଟସାଇଟ୍ ଟ୍ରାଫିକ୍ ଜୋନକୁ ୪ଟି ସେକଫରରେ ବିଭକ୍ତ କରାଯାଇଛି । ସମସ୍ତ ଟ୍ରାଫିକ୍ ବ୍ୟବସ୍ଥାକୁ ୪ଟି ଜୋନରେ ବିଭକ୍ତ କରାଯାଇଛି । ପ୍ରତ୍ୟେକ ଜୋନକୁ ବିଭିନ୍ନ ସେକଫରରେ ବିଭକ୍ତ କରାଯାଇଛି । ଜୋନ ଦାୟିତ୍ୱରେ ଜଣେ ଡିଏସପି ରହିଥିବା ବେଳେ ବିଭିନ୍ନ ସେକଫର ଦାୟିତ୍ୱରେ ସବଇନ୍ସପେକଫର ଓ ଏଏସଆଇ ରହିବେ । ଜୋନ ୧ର ଅଧିନରେ ଅଠରନଳା ଠାରୁ ହସ୍ପିଟାଲ ଛକଦେଇ ପୁରୁଣା ନବକଳେବର ରୋଡ, ମାଟିଆପଡା, ରେଡକ୍ରସ ରୋଡ, ଜଟିଆବାବାଜି ଛକ, ନରେନ୍ଦ୍ରକୋଣ, ବଡଦାଣ୍ଡ, ମାର୍କେଟଛକଠାରୁ ସିଂହଦ୍ୱାର, ମଙ୍ଗଳାଘାଟ, ବାଲିସାହି ରାସ୍ତା ଏବଂ ସମସ୍ତ ଗଳିକନ୍ଦିକୁ ଅନ୍ତର୍ଭୁକ୍ତ କରାଯାଇଛି । ଜୋନ ୨ ଅଧିନରେ ନୃସିଂହ ମନ୍ଦିର ଛକଠାରୁ ସୁବାଷ ବୋଷ ଛକ ଭାୟା ବାଲିଘାଟ, ଗୀଡଷ୍ଟେସନ ଛକ, ଆଇଟିଆଇ ଛକ, ସିଟି ରୋଡ ଏବଂ ମେଡିକାଲ ଛକଠାରୁ ଗାଣ୍ଡୁଆ ଚଉରା, ଭାୟା- ଭିଆଇପି ରୋଡ, ସୁବାଷ ବୋଷ ଛକ, ହରିହର ଛକ, ସମୁଦ୍ରକୂଳ ରାସ୍ତା, ହୋଟେଲ ହଂସ କୋକୋପ୍ଲାମ ଏବଂ ଲୋକନାଥ ରୋଡ । ଜୋନ ୩କୁ ଅଠରନଳା ଠାରୁ ମାଳତୀପାଟପୁର, ବୀରହରେକୃଷ୍ଣପୁର ବଜାର, ବାଲିଘାଟ ଭାୟା-ନୂଆ ନବକଳେବର ରୋଡ, ମାଳତୀପାଟପୁର, ହୋଟେଲ ତୋସାଳି ସ୍ୟାଣ୍ଡସ ଭାୟା-ନିଳାଚଳ ଲିଙ୍କ ଆରଓବି ଠାରୁ ବାଲିଘାଟ ଭାୟା- ଗ୍ରୀଡଷ୍ଟେସନ । ଜୋନ ୪ ଆଉଟସାଇଟ୍ ଟ୍ରାଫିକକୁ ୪ଟି ସେକଫରରେ ବିଭକ୍ତ କରାଯାଇଛି । ମାଳତୀପାଟପୁର ଠାରୁ ଉତ୍ତରା (ଏନଏଚ-୩୧୬ ଜାତୀୟ ରାଜପଥ) ଏବଂ ଅନ୍ୟାନ୍ୟ ସଂଯୁକ୍ତ ରାସ୍ତା ସହିତ ଅନ୍ତର୍ଭୁକ୍ତ କରାଯାଇଛି । ପ୍ରତ୍ୟେକ ଜୋନରେ ଜଣେ ଡିଏସପି ଓ ଆସିଷ୍ଟାଣ୍ଟ କମାଣ୍ଡାଣ୍ଟ ଦାୟିତ୍ୱରେ ରହିବେ । ସେହିପରି ଜଣେ ଡେପୁଟି କମାଣ୍ଡାଣ୍ଟ ଅଧିକାରୀ ପୁରୀ ଟାଉନ ଟ୍ରାଫିକ୍ ନିୟନ୍ତ୍ରଣ ଦାୟିତ୍ୱରେ ରହିବେ । ଏବଂ ଜଣେ କମାଣ୍ଡାଣ୍ଟ ର୍ୟାଙ୍କର ଅଧିକାରୀ ଜିଲ୍ଲାର ସମସ୍ତ ଟ୍ରାଫିକ ନିୟନ୍ତ୍ରଣ ଦାୟିତ୍ୱରେ ରହିବା ସହ ତଦାରଖ କରିବେ । ପୁରୀକୁ ଆସୁଥିବା ସମସ୍ତ ହାଲୁକା ଚାରିଚକିଆ ଯାନଗୁଡିକ ମାର୍କେଟ ଚକ ଜଗନ୍ନାଥ ବଲ୍ଲଭ ମଠ ପରିସରରେ ପାର୍କିଂ କରିବେ । ସେଠାରେ ପାର୍କିଂ ପୂରଣ ହୋଇଗଲେ ଗାଡିଗୁଡିକ ଶରଧାବାଲି ଏବଂ ଶରଧାବାଲି ପୂରଣ ହୋଇଗଲେ ଏସସିଏସ କଲେଜ ଏବଂ ଜିଲ୍ଲାସ୍କୁଲ ମଧ୍ୟରେ ପାର୍କିଂ କରିବ । ସେହିପରି ସମସ୍ତ ଦୁଇଚକିଆ ଯାନଗୁଡିକ ଟାଉନଥାନାଠାରୁ ମାର୍କେଟଛକ ଉଭୟ ପାଶ୍ୱର୍ ରାସ୍ତାକଡରେ ପାର୍କିଂ କରିବେ । ସେହିପରି ପୁରୀକୁ ଆସୁଥିବା ସମସ୍ତ ଯାତ୍ରୀବାହୀ ବସଗୁଡିକ ଗୁଣ୍ଡିଚାମନ୍ଦିର ବସଷ୍ଟାଣ୍ଡଠାରେ ପାର୍କିଂ କରିବ ଏବଂ ସେଠାରୁ ପୁନର୍ବାର ସେମାନଙ୍କର ଗନ୍ତବ୍ୟସ୍ଥଳକୁ ପ୍ରସ୍ଥାନ କରିବେ । ଶ୍ରୀମନ୍ଦିର ଭିତର ଓ ବାହାର ଭିଡ ନିୟନ୍ତ୍ରଣ ପାଇଁ ବ୍ୟାପକ ପଦକ୍ଷେପ ଗ୍ରହଣ କରାଯାଇଛି । ଟିକେଟଧାରୀ ଭକ୍ତମାନେ ମହାପ୍ରଭୁଙ୍କ ପହଣ୍ଡି ଦର୍ଶନ କରିବା ପାଇଁ ଦକ୍ଷିଣଦ୍ୱାର ଦେଇ ମନ୍ଦିର ଭିତରକୁ ପ୍ରବେଶ କରିବେ । ଶ୍ରୀଜୀଉମାନଙ୍କ ପହଣ୍ଡି ନୀତି ସଂପନ୍ନ ପରେ ଭକ୍ତମାନଙ୍କ ସାଧାରଣ ଦର୍ଶନ ପାଇଁ ବ୍ୟାରିକେଡ କରାଯାଇଛି । ଭକ୍ତମାନେ ବ୍ୟାରିକେଡ ଦେଇ ସ୍ନାନବେଦୀ ନିକଟକୁ ଯିବେ ।ସିଂହଦ୍ୱାର ଦେଇ ଆସୁଥିବା ଭକ୍ତମାନେ ଦର୍ଶନ କରିବା ପରେ ଉତ୍ତର ଦ୍ୱାର ଦେଇ ପ୍ରସ୍ଥାନ କରିବେ । ସୁରକ୍ଷା ଦାୟିତ୍ୱକୁ ଖୋଦ୍ ଜିଲ୍ଲା ଏସପି ତଦାରଖ କରୁଥିବା ବେଳେ ମୋଟ ୧୨୪ ସେକ୍ସନ ଫୋର୍ସ, କମାଣ୍ଡାଣ୍ଟ ୩, ଡେପୁଟି କମାଣ୍ଡାଣ୍ଟ ଓ ଅତିରିକ୍ତ ଏସପି ୯, ଡିଏସପି ଓ ଆସିଷ୍ଟାଣ୍ଡ କମାଣ୍ଡାଣ୍ଟ ୧୬, ଇନ୍ସପେକଫର ଓ ସବଇନ୍ସପେକଫର ୩୭, ଏସଆଇ ଓ ଏଏସଆଇ ୨୨୫, ହାବିଲଦାର ୪୧, ଟ୍ରାଫିକ୍ ହାବିଲଦାର ୧୦, କନଷ୍ଟେବଳ ୩୦୨, ଟ୍ରାଫିକ୍ କନଷ୍ଟେବଳ ୪୮, ହୋମଗାର୍ଡ ୫୫୮, ବଗଲର ୩, ଜେଟିପି ଓ ଜେଟିଏସ ୩ ମୁତୟନ ହୋଇଛନ୍ତି ।
