Anupambharat News Bureau
ଅନୁଗୋଳ,୧୭ା୬ (ଅନୁପମ ମିଡିଆ): ତାଳଚେର ଗୋଡ଼ିବନ୍ଧ ହରିହରପୁର ପାଉଁଶ ଇଟା ଭାଟିରେ ଅଘଟଣ । ମାଟି ଖୋଳିବା ବେଳେ ବିଦ୍ୟୁତ ଆଘାତରେ ୨ ଜଣଙ୍କର ମୃତ୍ୟୁ ହୋଇଛି । ମୃତକ ମଧ୍ୟରେ ଇଟାଭାଟି ମାଲିକ ହରିହରପୁର ଗ୍ରାମର ଅନନ୍ତ ଚରଣ ସାହୁ ଓ ଅନ୍ୟଜଣେ ହେଲେ ଭାଟିରେ କାମ କରୁଥିବା ମହିଳା ଶ୍ରମିକ ମଞ୍ଜରୀ ମିଞ୍ଜ । ଘଟଣାରୁ ପ୍ରକାଶ ଯେ ମାଟି ତଳେ ଏକ ୧୧ କେଭି ବିଦ୍ୟୁତ ବିଛା ଯାଇଥିଲା । ତା ଉପରେ ଇଟା ଭାଟି ପାଇଁ ମାଟି ଖୋଳୁଥିଲେ । ବିଦ୍ୟୁତ ତାର ନିଆଯାଇଥିବା ବେଳେ ଶାବଳରେ ମହିଳା ଶ୍ରମିକ ଜଣକ ମାଟି ଖୋଲୁ ଥିବା ସମୟରେ ଶାବଳ ବାଜି ଯାଇଥିବାରୁ ତାଙ୍କୁ ବିଦ୍ୟୁତ ଆଘାତ ଲାଗିଥିଲା ତେବେ ତାଙ୍କୁ ଇଟା ଭାଟି ମାଲିକ ବଞ୍ଚାଇବାକୁ ଯାଇଥିଲେ ତାଙ୍କୁ ମଧ୍ୟ ବିଦ୍ୟୁତ ଆଘାତ ଲାଗିଥିଲା । ଫଳରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଥିଲା । ତାଳଚେର ପୋଲିସ ଘଟଣାସ୍ଥଳକୁ ଯାଇ ଶବ ଜବତ କରି ତଦନ୍ତ ଆରମ୍ଭ କରିଛି ।
